Ka seiñ Meghalaya People United Front (MPUF) da dap ko dei sñiawsih hajrong i khlaad noh ka Dolma Siangshai kawa man leh kam ka Vice President yong ka Ladrymbai Circle Women’s Wing kawa chong wa sah ha Ladrymai Dong-B neidaw i kjut i chitom wa ban ya ka kamwa kattu katni por don hi.
Da khlaad noh ko ynne heipor step pyrdi synyaw heipor kawa 12:30, hadien wada dep sumaar yaka ha Dr. Norman Tunnel Hospital Jowai, West Jaiñtia Hills District.
Ka seiñ da ong ko wa i khlaad ka kong Dolma da man i dooh wa khroo yaka seiñ wa ya ka imlang sahlang hi waroh kawi wei da kani ka Wyrta, ka seiñ MPUF da phah ko leh yaka khubor sñiawlem cha kiwa ha yung ka sem yong ka.
Ka seiñ da kyrmen ko leh wa ka kong Dolma wow nang kyrkhu ko yaka seiñ hi waroh kawi, hawa ka seiñ u nang ye chooh chooh ko wow chakri neibynta ka imlang sahlang hapoh ka District wa ka jylla hi waroh kawi.
Kani toh katkam ka khubor wada phah da u General Secretary ka EJHD, u Kmenlang Siangshai.
