Hadien wa pynbna wow mih madan neibynta ka Election chiteiñ samoi na Mawphlang Constituency, u Eugeneson Lyngdoh da ong u wa i rai wow yakhun na ka United Democratic Party toh kawa da chim da ki paidbah, wei da pdiang sñiawbha ya katai ka rai deiwa burom ya ki paidbah neibhah toh ki paidbah kiwa kwah ya oo wow yakhun ya ka Election.
Kam wow pynkynmoo wa u pa yong u Eugene uwa man u MLA wa da khlaad noh, u S K Sunn da jop u ya ka Election ha u snem 2018 kam u kyrtong samen wei hadien wa da jop da lai pynyabi lang u wa ka UDP kawa em ha ka sorkar synrop Meghalaya Democratic Alliance.
Hawa klam hadien ka yalang ha Mawngap ynne ka sngi, u Eugene da ong u wa ka Election man ko kawa eh neibhah wa hap u wow yakhun wa ki Team heh, iwa mut wa hap u wow yakhun wa u MLA warim uwa man u kyrtong ka Congress, u Kennedy Khyriem wa ya u Lamphrang Blah uwa man u MDC u wow yakhun ya katai ka Election na ka NPP.
Da ong u wa i rai chong ha ki paidbah wa kam ka UDP wa kiwa yahkhmat hapoh ka Constituency daw pynsñiawthooh hajrong i thmu ha kani ka Election wow pynsñiaw wa iyi mut wow leh neibynta ki paidbah, yow sñiaw chngaaiñ ki paidbah hawa lai ki wow thap Vote.
