U Publicity Secretary ka HYC-War Jaiñtia Circle u R. Mukhim ha ka kyrwoh wa da phah, da ong u wa du hadien 1 tayaw tam wa yoh jubab u ya ka RTI, ki bor wa toh u pait ya ka chnat puræ puthi da pynlait noh ki ya ka song poisa kiwa dang lai puræ ka jylla Meghalaya lyngba ka Umbrella Scheme Post Matric Scholarship 2020-21.
U R. Mukhim da pyntip u wa ha ka 31-05-21 da phah u yei thoh cha u Education Minister, u Lahkmen Rymbui, u Chief Minister, u Conrad K Sangma wa cha u Jt. Director of Higher & Technical Education hajrong i kyrpaad wow pynlait noh ya ka Scholarship.
Hadien ini, u Mukhim da yaleh u da ka RTI ha ka 08-06-21 wa ka Ministry of Tribal Affair (Scholarship Division) yow kylli chaphang i pynslem i yoh Scholarship kiwa lai puræ hapoh Meghalaya.
Ministry of Tribal Affairs ha ka 12-08-21 da phah ko ya kani ka RTI cha u Principal Secretary, Director of Higher & Technical Education Meghalaya deiwa ong wa iwa paan hapoh kani ka RTI toh iwa em hapoh i pait ka sorkar Meghalaya wei hap da ki wow jubab ya kani ka RTI hapoh 15 sngi katkam ka aiñ.
Ya i jubab ka RTI da yoh hadien kamwa chitayaw wei ha ka 17-09-21 da pynlait leh ya ka song poisa ki khynnah wa ki khynroo khyllood kiwa dang lai puræ napoh ka Umbrella Scheme Post Matric Scholarship 2020-21.
