Ka Cabinet Committee on Economic Affairs (CCEA) da mynjur ko wow pteiñ ya ka Scheme ka sorkar pyrdi PM POSHAN neibynta ki skur sa san snem. Ka CCEA toh kawa chongknor da u Prime Minister wei da rai ko wow pteiñ ya ka ‘National Scheme for PM POSHAN in Schools’ neibynta u snem 2021-22 hadooh 2025-26.
Hapoh ka PM POSHAN Scheme daw e ja ha ki skur sorkar wa ki skur wa yoh yarap na ka sorkar kiwa nadooh Class I-VIII. Nachwa ya kani ka Scheme da tip kam ka ‘National Scheme for Mid Day Meal in Schools’ kawa da tip da kiwa boon kam ka Mid Day Meal Scheme. Hapoh kani ka Scheme daw yoh yarap kamwa 11.80 klur ngut ki khynnah ha ki 11.20 lak tylli ki skur wa em ha ka ri. Ha u snem 2020-21, ka sorkar India da pynlut ko T. 24,400 klur neibynta kani ka Scheme wa kynthup ya T. 11,500 klur du neibynta u khoo.
Ki rai wa yatoh wow pynkrehkaam bha ya kani ka Scheme man ki kamni ha wah:
Kani ka Scheme da tyrwa wow pynkrehkaam ya ka nadooh ki skur Pre-Primary lane ki Bal Vatikas ki skur sorkar wa ki skur wa yoh yarap na ka sorkar najrong ki 11.80 klur ngut ki khynnah na ki Elementary Class.
Da pynchlur wow pynkrehkaam ya ka TithiBhojan. Ka ThithiBhojan toh kawa dei ya krehlang ka imlang sahlang heiwa ki bru u e ki da ki baam wa kyrpang ha ki sngi wa man kyrpang lane ha ki por wa em i lehkmen wa kyrpang.
Ka sorkar da pynchlur ko leh wow sdang ya ki kpær ha ki skur kiwa tip kam ki School Nutrition Gardens yow tip ki khynnah kammon wow thung wow sumaar ya ki jhoor. Iwa thung ha kini ki kpær toh u pynemkaam wow pynman ya ki baam wa chait wa khiah. Ya kini ki School Nutrition Garden toh kiwa da dep sdang ha palat 3 lak tylli ki skur.
Ka Social Audit neibynta kani ka Scheme toh ka wym hoi u dam u leh ha waroh ki District.
Da booh leh ki kyndon wa kyrpang yow e yei baam wa rap bha ha kitu ki District wa joor i chitom duna snam wa tip kam i Anaemia.
Toh u pynman leh ya ki yakob chet ha ki chnong hadooh ki kyrdan ka ri yow pynchlur u chet ya ki baam tynre kamjooh wow pynemkaam da ki jhoor kiwa da em chwa hapoh ka chnong ka thaw.
U pynchlur wow ya krehlang wa ki Farmers Producer Organizations (FPO) deilang wa ki Women Self Help Groups yow pynkrehkaam ya kani ka Scheme. I pynemkaam da ki jhoor ki baam tynre daw yarap ko leh wow pynku ya ka khayi pateiñ.
Toh u pynman leh yei lai pait yei pynkrehkaam deilang wa ki khynnah, ki bru wa pawkhmat ki University/Institution kamjooh ki Trainee Teachers ki Regional Institutes of Educations (RIE) wa ki District Institutes of Education wa Training (DIET).
