Ka seiñ Bharatiya Janata Party (BJP), Meghalaya Pradesh ynne ka sngi da pyntip ko wa ka State Election Committee ka Party da pynman ya ka heiwa da rai wow yakhun ya kawi na ki le tylli ki Election chiteiñ samoi ha ka jylla.
Ka Committee da rai ko wow yakhun na ka 47 Rajabala Constituency heiwa da yoh ko ya i tyrwa na ki ar ngut kam ki kyrtong wei da rai wow pynyakhun noh da u Kingstone B. Marak uwa man leh katni kam u Vide President ka BJP West Garo Hills District.
Ya kani ka yalang da pynlai da u President ka Party ha ka jylla, u Ernest Mawrie wei da chimbynta leh da u National Vice President wa u Prabhari ka jylla, u Dr. M, Chuba Ao wa u Montri ka sorkar uwa man leh u MLA ka Party, u Sanbor Shullai.
