U Montri ka sorkar pyrdi wa pait yei rep i riang, u Narendra Singh Tomar ynne ka sngi kam chibynta i lai u cha ki jylla ka Northeast, da lai u cha ka ICAR, Research Complex for NEH Region ha Umiam. Heiwa da chimbynta u hei thung dieñ ha kani ka thaw wei da yachem u leh wa ki Scientist wa ki heh kani ka Research Complex.
Heipor sngi da lai u leh cha ka Central Agricultural University, Umiam wei da yachem u leh wa ki seiñ ki warep wei da wai u leh ya ka Auditorium ka College for Agricultural Studies. Da lai pait u leh ya ki thaw wa pynyoo rong ya ki mar wei da chimbynta u leh hei saam ya ki chieñ symbe.
Hei klam u Montri, da ong u wa ka sorkar pyrdi wa ka sorkar jylla da wanrah ki chiboon ki Scheme yarap neibynta ki warep.
Da pynkynmoo u yei emkaam i rep i riang khamtam heipor wa em ka khlam COVID-19, deiwa ong wa ki warep da ye ki wow pynmih chiboon ki mar rep hawa nujor ya iwa nachwa.
Da kdaw u leh yei em kiwa lai puræ kiwa na ki 19 tylli ki jylla ha ka Post Graduate College ka Meghalaya deiwa ong wa ini toh i dak wa pynyoo wa em hi i thrang wow em hei rep i riang.
Ha kani ka sngi da emlang leh u Banteidor Lyngdoh, u Montri ka chnat i rep i riang wa u Vice-Chancellor ka CAU(I), u Dr. Anupam Mishra.
