Ynnin ka 4 tarik nadooh i por 9:30 i miet, ki le tylli ki rynsan Social Media wa kynthup ya ka Facebook, Instagram wa WhatsApp da sih ki chisien sih heijooh i por ha kylleiñ ka pyrthai iwa da neh hadooh 6 kynta i sih ki.
U tre yong kini ki le tylli ki rynsan Social Media, u Mark Zuckerberg da paan maap u na ki paidbah kiwa da chah ktah na ini iwa jia.
Ini da jia i hadien wa leh ka Facebook ya ka Border Gateway Protocol (BGP) Update heiwa em iwa leh bakla hadooh wym chem de ya Facebook, WhatsApp wa Instagram manda thooh ki bru ya ki iwa man kamwa wiar noh ki na ka Internet neidaw wym chem de ya ka DNS Routing Information iwa man kamwa wiar lut ki luti yow ye u poi cha kini.
Ka DNS man ko kam iwa pynyoo yei thaw wa em ka Facebook katwa ka BGP won man ki kam kiwa yarap yow poi cha i thaw wa kwah ki bru wow lai ha ka Internet.
Kamtæ da ong wa ini ym toh ka Cyber Attack namo wa chah Hack wei da jia du neidaw wa em i bakla wa khian wei ym em chah tooh iyi iyi leh iwa toh yong kiwa pynemkaam.
Ha ini iwa jia, u Mark Zuckerberg da dooh nong u $ 6 Billion hadien wa hiar dor i Share ka Facebook da 4.9%.
