U Montri ka sorkar jylla u Kyrmen Shylla uwa man leh u MLA ka United Democratic Party (UDP) na Khliehriat, da ong u wa ym tieñ u yei yap tangwa i tieñ u toh ya rem Election.
“Nga tieñ O wow rem ha ka Election ym toh yei yap neibhah waroh tip i wa ha kawi ka sngi daw yap hi tangwa lada toh wa nga leh bakla O ya kiwi, ki em hok ki wow chim yei mynsien yong nga wei lada ym em leh bakla, ym em hok ki,” da ong u Kyrmen hawa klam wa uwa thoh khubor.
Hawa kylli hajrong i maham ka HNLC ya ki kattu katni ngut ki Montri ka sorkar Meghalaya Democratic Alliance (MDA), u Kyrmen da ong u, “Lada ka HNLC ka sñiaw ko wa ini toh iwa toh wow maham ya kiwa yahkhmat ki seiñ saiñ pyrthai næ ya kiwa mihkhmat yong i, nga ym em O wow ong iyi iyi leh hajrong ini wei nga sñiaw O wa ym man ko leh kawa toh.”
“Lada ki em ki ya iwon iwon i daw pyrchah ya ka sorkar, toh u wan ki chakhmat wow yaklam wei wow khana yei eh yong ki neibhah wa i man i kiwa smat wow yaklam tangwa du wow maham wei wow chim yei mynsien bru kiwa lui lui wei kam ka nongmuna wa ha ka sngi nyngkong lada wa u Bomb wa booh ki pdung u, ym du kiwa yahkhmat ki seiñ pyrthai wow yap, tangwa wot ki paidbah leh u yap ki, kamtæ ye yi u pynbaad,” deiwa pynrap leh wa i pyrchang wow leh pyrchah ya kiwa mihkhmat tangwa da toh lang wa ki paidbah. Kamtæ ym em hok ki wow chim yei mynsien yong uwon uwon, tangwa toh u wan ki chakhmat wow yaklam neibynta wow ye u pynbait yei eh.
