Ki ar ngut ki khloor yakura na ka Club Ferdy School of Martial (The Revolution MMA) da yoh ki ya kawi ka takma ksiar wa kawi ka takma rupa ha ka lympung yalehke 6th National Jeet Kune Do Championship 2021-2022 (Sub-Junior, Junior wa Senior) ha Delhi, D.J.B Indoor Stadium Dallupura, East Delhi ha ka 2 wa 3 tarik uni u bnai.
Ya kani ka lympung da pynman da ka JKDF of India kawa man leh ka dkhot ka AJKDF (SL) wa IJKDF (WJKDF) Martial Arts Association-International Germany JKD Games wa da tipmit da ka SGFI (School Games Federation of India).
U Obadaïa Kelphung uwa na chnong Saitsama, West Jaiñtia Hills da yoh u ya ka takma ksiar ha ka Full Contact -52kg Senior Men katwa u Fedrick Khongsit uwa na Laitkor Nongdaneng, East Khasi Hills da yoh u ya ka takma rupa ha ka Full Contact -48kg Senior Men.
Heijooh i por ka Club Ferdy School Of Martial Arts (The Revolution MMA) da e khublei ko ya ki manbei manpa yong kini ki khynnah wa da chah ya ki khon wow lai chimbynta ha kani ka lympung ha nongbah Delhi.
Chooh chooh da e khublei ko leh ya ka Meghalaya Jeet Kune Do Association (MJKA) hapoh i yahkhmat u Master Donny Ranee.
