Ka KSU Laitumkhrah Unit da pynsñiaw ko yei chrai hajrong i chah leh khlem akor uwi u baar jylla uwa da tip pyrtuid kam u Amrit Debbarma ya kawi ka kynthai Khasi hei thaw wa kini ya krehlang ki.
Da ong wa u Amrit da jooh riñ Video tooh u man-i-por wot heipor wa mut kani ka kynthai wow lai cha paikhana wei da maham u leh ya ka man-i-por wym toh u khana ya uwon uwon.
Neiliang ka kynthai da ujor ko cha ka KSU Laitumkhrah Unit heiwa ki dkhot da hiar ki wut wut cha i thaw wa kreh utai u baar jylla yow e yei sneiñ tangwa chwa wow poi da yut chwa u ha ka 6 tarik uni u bnai.
Kamtæ katai ka kynthai deiwa synraan lang u Sambormi Lyngdoh, President wa u Brandon Shangpliang, General Secretary ka KSU Laitumkhrah Unit deilang wa ki kattu katni ki dkhot ka Unit da lai ujor FIR ki ha Laitumkhrah Police Station khnang wa ki bor ka aiñ u kem wei wow pynchitom katwa chah ka aiñ.
Neiliang ka KSU Laitumkhrah Unit da maham joor ko ya waroh ki baar jylla kiwa kreh hapoh ka Laitumkhrah wym toh u leh ki ya iwon iwon i wym yahaap lane iwa man pyrchah ya ka jaitbru khamtam wow yoo beiñ ya ki kynthai Khasi wei lada jia kam ini, ka KSU Laitumkhrah Unit ym maap ko.
