Ka Environment Coordination Committee (ECC) ka Elaka Sutnga da pynsñiaw ko yei phylla wa ya kawi ka Coke Factory kawa pyrtuid M/S North East Carbon Industries kawa da chem lyngba ka RTI wa da yoh na ka MSPCB wa ya kani ka karkhana toh u booh ha Lumtyrkhang, Mynska, West Jaiñtia Hills tangwa da wan pathan wow booh wow chna ya ka hapoh ka Elaka Stunga.
Ka ECC da ong ko wa kani ka karkhana toh kawa em yei pyrtuid u Montri ka chnat PHE, u Renikton Lyngdoh Tongkhar kam uwi na ki tre yong ka.
Kamtæ da pynsñiaw yei sñiawsih wa ha ki khubor, u Montri da ong u wa smat u wow kynran dien lada ktah ko ya ki paidbah tangwa ym em leh u ya ini heiwa i kreh ya kani ka karkhana da lai i wei da sdang leh wow chet mooyong hanla ki kot ki sla leh ym biang ki kamjooh ym pu em yoh bor wow sdang krehkaam.
Ka ECC da dawa ko leh wow kyrriah noh ya kani ka karkhana chi syndon cha i thaw wa da toh u booh ya ka wei lada ym leh yeini, neiliang ki khon ka Elaka daw leh ki yeiwa emkaam.
Da ong leh wa ini i leh ya ini ki kaam toh i yoobeiñ ya ka Elaka.
Puræ leh: Smat u Renik wow kynran dien yei mantre ya ka karkhana Coke ha East Jaiñtia
