Ka sorkar Meghalaya lyngba ka chnat i chait i khiah da pynmih kyndon ko heiyatoh wa i pynman yalang ka sorkar nadooh ha ki Scretariat, ki chnat, ki Directorate wa ki yung krehkaam ki District.
Da ong wa neidaw wa kiwa yoh COVID-19 hapoh ka jylla kiwa boon toh da u jait ‘Delta’ uwa ye u poor smat bha khamtam ha ki yalang wa pynman hapoh yung. Kamtæ deiwa pyrkhat yeini wei heijooh i por wym hoi u dam u pynman ya ki yalang yow ye u pyndep ya ki kaam sorkar, da emkaam wow bood ya ki kyndon thij da waroh kiwa em ha ki yalang.
Lada ye toh u pynman da ki Online Meeting lane ki Video Conference.
Lada pynman deiwa yachem, waroh kiwa chimbynta toh u deiñ Mask ki da ki N95 lane da ki Mask wa le rtap kiwa tymmoh bha yei ktien wa i tangbæiñ. Neibhah heipor wa ky’oh lane synrieh emlaad bha wow hær u khñiang, kamtæ ym toh wow looid ya ka Mask heipor wa klam.
Hawa klam ha ka rynsan, kiwa klam wa pynemkaam Microphone toh u deiñ ki ya ka Mask.
Lada ye, ym toh wow e cha lane um heipor wa pynman ya ka yalang, wei toh u leh yeini chwa u sdang lane manda kut ka yalang. Lada e ja won, toh u pynman deiwa ye ki u bru u lai khat hi yow yei u pynyajngai ya ki bru.
Hawa wan cha ka yalang, kiwa chimbynta ye ki wow rah da u yong ki hi u klong um.
Da pynchlur leh wow pynman da ka E-Office da waroh ki chnat sorkar.
