Ka DC ka East Khasi Hills da pynmih hukum ko wow pynyinsur yei por wai ki thaw dai kiad wa em hapoh ka District nadooh ynne ka sngi wa kynthup lang ya kiwa leh Home Delivery yei kiad hadooh wa pynmih hukum da kamwi.
Ki dukan dai kiad u wai ki 6 sngi chi tayaw (Mon-Sat) nadooh 10:00 waje i step hadooh 8:00 waje i miet lait noh ha ki sngi Dry Day kiwa ini wadep da chah u wai ki ndooh hadooh 9:00 waje i step hadooh 6:30 i janmiet.
Kiwa leh ya ka Home Delivery ye ki wow leh nadooh 10:00 waje i step hadooh 9:00 waje i miet Monday hadooh Saturday iwa ini wa dep da chah hadooh 8:00 waje i miet.
Ki thaw chong dih kiad kiwa da yoh bor ye ki wow wai man-ka-sngi nadooh 12:00 waje pyrdi sngi hadooh 9:00 waje i miet iwa ini wadep da chah hadooh 8:00 waje i miet.
Ki Bonded Warehouse u wai ki 10:00 waje i step hadooh 8:00 waje i miet Monday hadooh Saturday iwa ini wa dep da chah nadooh 09:00 waje i step hadooh 07:00 waje i miet
Ki Canteen u wai ki nadooh 10:00 waje i step hadooh 8:00 waje i miet Monday hadooh Saturday iwa ini wadep da chah nadooh 09:00 waje i step hadooh 6:30 i janmiet.
Ki pata kiad u wai ki nadooh 10:00 waje i step hadooh 8:00 waje i janmiet Monday hadooh Saturday iwa ini wadep da chah nadooh 9:00 waje i step hadooh 6:30 i janmiet.
