Kiwa dang yoh COVID-19 ha Meghalaya da pteiñ ki wow duna wei da neh ki hapoh 100 ngut la le sngi wa hapoh 200 ngut la 19 sngi khlem sangeh kamjooh leh kiwa chait da boon ki ya kiwa dang yoh la le sngi.
Kiwa dang yoh ynne ka 11 tarik da em ki 64 ngut, kiwa dang chait 162 ngut wa 2 ngut kiwa yap (ki wym pu em yoh tika) kiwa na East Garo Hills (01) wa na Ri-Bhoi (01).
Na kiwa dang yoh kiwa boon dooh toh ha East Khasi Hills (41) wa ha West Khasi Hills (16) katwa ha kiwi ki District da em ki hapoh 3 ngut wei deiwa kheiñlang ha ki 9 tylli ki District da em 7 ngut donhi kiwa dang yoh kiwa ha East Jaiñtia (01), Ri-Bhoi (02), South Garo Hills (01), South West Khasi Hills (01) wa ha West Jaiñtia Hills (02).
Na kiwa dang chait kiwa boon dooh toh ha East Khasi Hills (112) wa ha West Khasi Hills (29).
Ki District wa boon dooh kiwa dang chah ktah toh ha East Khasi Hills (621), West Khasi Hills (303), West Jaiñtia Hills (115) wa ha Ri-Bhoi (48).
Ki District wa duna dooh kiwa dang chah ktah toh ha South Garo Hills (02), North Garo Hills (02), South West Garo Hills (02), East Jaiñtia Hills (06), East Garo Hills (11), West Garo Hills (17) wa ha South West Khasi Hills (18).
Waroh kiwa da chait da em ki 96.99% kiwa em 80,012 ngut, kiwa dang chah ktah da em ki 1.27% kiwa em 1052 ngut, kiwa yap 1.72% kiwa em 1423 ngut, deilang dapoi 82,487 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla da dep wow e la 16,11,554 sien heiwa ynne ka sngi da e 7635 sien wa kynthup ya ki HCW 43 ngut, ki FLW 132 ngut, kiwa 18 snem chaneiñ 6338 ngut wa kiwa 45 snem chaneiñ 1122 ngut.
Waroh kiwa da yoh tika chisien da em ki 10,82,305 ngut wa 5,29,249 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
