Da: U O.R. Shallam
Ka jingdap 50 snem ka jylla jong ngi bad 75 snem ba ngi ioh ka laitluid na kti ki phareng, la kyrpad na ngi ki khun ka Meghalaya bad ka ri India ba ieit jong ngi shibun ki jingpynkhreh ban leh pyndonburom ia u 50 bad 75 snem, ki don jingmyntoi hangne hangtei, ki nongialam ba don jingkitkhlieh iaka ri bad ka jaitbynriew ki wan ki leit, ki la don ki Office sorkar bapher bapher kiba la tei bha bad ki dang don kiba don ha ki ieng wai, ha Jowai khamtam la don ka jingpyrshang ban pynsuk ia ka leit ka wan mih ki Subway, Bypass hynrei haba peit ia kine kiei kiei ka long tang ka buit ialeh Election mano re ha kito ki por, kine mynta ki la duh la dam khamtam u Lad Nartiang bad utei u Amlarem u dang iong tang ha shwa kane ka Celebration u lah ban duh noh.
U NH-44 naduh Mawrynkhneng ym don shuh ba lah ban buh jingkylli, jia aiu ia une u Highway ka jingmih kaba bun, ioh kan kut noh ka leit ka wan hapdeng ka East Khasi Hills bad ka West Jaintia Hills hadien kine ki Celebration baroh 50 bad 75.
Mynta nga kwah ban buh ia kane ka jingkylli ha ki nongmihkhmat na kane ka District phi leh aiu naka bynta kane? Phi ju poi sha ka Constituency jong phi? Ynda phi la mad ia kane ka ka Problem, phi sngap ne phi thnum ha mynsien.
Kane ka sorkar imat ka ioh Permission naka Transport Authority ban Repair ia ki Internal Road hapoh sor Jowai da ka KHYNDEW SAW nga kynmaw naduh ba wan kane ka sorkar MDA ngim ju ioh shuh ka PSIANG, lada peit iaka luti Syntu Ksiar naduh u 2018 ki khlem Repair ia une u surok daka PSIANG bad baroh ki surok Lulong College, Thomas Jones Road ha Iew bad ha baroh ki bynta ka shnong Jowai, lait tang ka shnong Mukhla kaba donbok ban ioh ia u SUROK PSIANG naduh Lad Mukhla shaduh shapoh shnong baroh kawei.
Ngi ki nong shong shnong ngi la pdiang hun ia kane ka jingstet Motherly Treatment ka sorkar, u MLA bad ka PWD, ka por ka la jan kynmaw ka jingbakla u 2018 ngi ioh daka KHYNDEW lada ki bakla ha u 2023 tip ngin ioh pat da kaei? Bishar bniah ia kiei kiei baroh, to ia kyndit bynriew.
