Ynne ka 13 tarik da man ko leh ka sngi wa khaddooh ya ki kyrtong wa yaleh Election chiteiñ samoi wow kynran dien na ki ar tylli ki Constituency wa em ha East Khasi Hills District kitæ ka 13-Mawryngkneng (ST) Assembly Constituency wa ka 24-Mawphlang (ST) Assembly Constituency.
Neiliang u Returning Officer da pyntip u wa ha ka Maphlang Constituency da em 3 ngut ki kyrtong kiwa daw yaleh Election wa 6 ngut na Mawrynkneng Constituency.
Ki kyrtong na Mawphlang toh u Eugeneson Lyngdoh kam u kyrtong ka UDP, u Kennedy Cornelius Khyriem kam u kyrtong ka INC wa u Lamphrang Blah kam u kyrtong ka NPP.
Na Mawyngkneng ki kyrtong toh u Highlander Kharmalki kam u kyrong ka INC, u Pyniaid Sing Syiem kam u kyrtong ka NPP wa le ngut ki kyrtong samen kitæ u Arbiangkam Kharsohmat, u Esron Marwein wa u Norbert Marboh.
Kam wow pynynmoo wa ka sngi thap Vote toh kawa daw pynman ha ka 30 tarik uni u bnai nadooh 7:00 waje i step hadooh 4:00 waje i janmiet.
