Kiwa dang yoh COVID-19 ha Meghalaya da neh ki hapoh 100 ngut la 7 sngi tangwa ynne ka sngi da boon da kiwa dang yoh ya kiwa chait hadien 6 sngi heiwa kiwa dang yoh da neh ki hapoh 200 ngut la 23 sngi.
Kiwa dang yoh ynne ka 15 tarik da em ki da em ki 81 ngut, kiwa dang chait 79 wa 1 wa yap (wym pu yoh tika) wa na Ri-Bhoi District.
Na kiwa dang yoh kiwa boon dooh toh na East Khasi Hills (51) wa ha West Khasi Hills (22) katwa ha kiwi ki District kiwa dang yoh da em ki hapoh 5 ngut wei deiwa kheiñlang da em 8 ngut kiwa ha East Jaiñtia Hills (01), Ri-Bhoi (02), West Garo Hills (03) wa ha West Jaiñtia Hills (02) katwa ha kiwi ki 5 tylli ki District ym em kiwa dang yoh.
Na kiwa dang chait kiwa boon dooh toh ha East Khasi Hills (56) wa ha West Khasi Hills (12).
Ki District wa duna dooh kiwa dang chah ktah toh ha North Garo Hills (01), South West Garo Hills (01), South Garo Hills (02), East Garo Hills (06), East Jaiñtia Hills (08), South West Khasi Hills (11) wa ha West Garo Hills (21).
Ki District wa boon dooh kiwa dang chah ktah toh ha East Khasi Hills (477), West Khasi Hills (262), West Jaiñtia Hills (67) wa ha Ri-Bhoi (37).
Waroh kiwa da chait da em ki 97.19% kiwa em 80,490 ngut, kiwa dang chah ktah da em ki 1.07% kiwa em 893 ngut, kiwa yap 1.72% kiwa em 1432 ngut, deilang dapoi 82,815 ngut kiwa da dep yoh ya uni u khñiang hapoh ka jylla.
Kiwa dang yap toh u Pyniohlad Langbang (70 snem) uwa na Umsning, Ri Bhoi uwa da li booh cha Civil Hospital, Shillong ha ka 14-10-2021 wei da khlaad u ha ka jooh hi ka sngi na ka Covid-19 Pneumonia wa kiwi de ki kjut wa da em chwa.
Heiyatoh wa i e tika hapoh ka jylla, da dep wow e la 16,39,736 sien heiwa ynne ka sngi da e 5219 sien wa kynthup ya ki HCW 27 ngut, ki FLW 148 ngut, kiwa 18 snem chaneiñ 4270 ngut wa kiwa 45 snem chaneiñ 774 ngut. Kiwa dang yoh tika ynne kynthup ki leh ya ki 825 ngut kiwa dang yoh yei sien wa nyngkong wa 4394 ngut kiwa da yoh yei sien wa ar.
Waroh kiwa da yoh tika chisien da em ki 10,87,307 ngut wa 5,52,429 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
