Kam chibynta wow pteiñ yei yaleh pyrchah ya ka khlam COVID-19 hapoh ka ri India, ynnin ka sngi da poi sa cha uwi u moomær heiwa da tam ya 98 klur sien (98,67,69,411) wa da dep e tika heiwa ynnin da e 87,41,160 sien.
Waroh ki bru wa em ha ki kaam sumaar sukhær namo ki Health Care Workers kiwa da dep yoh tika chisien da em ki 1,03,75,973 ngut katwa kiwi won kiwa em hakhmat wow yaleh pyrchah ya kani ka khlam namo ki Front Line Worker da em 1,83,62,390 ngut kiwa da dep yoh tika chisien.
Kiwa boon dooh kiwa da dep yoh tika toh kiwa em 18-44 snem i rta kiwa em 39,55,79,142 ngut kiwa da dep yoh tika chisien iwa pynbood da ki 45-59 snem i rta kiwa em 16,83,81,389 ngut kiwa da dep yoh tika chisien katwa kiwa em 60 snem chaneiñ da em ki 10,60,53,335 ngut.
Heiyatoh wa wa kiwa dang yoh COVID-19, ha kini ki 24 kynta da em ki 13,058 ngut iwa duna dooh hadien 231 sngi wei da man leh ka sngi wa le wa da neh ki hapoh 15,000 ngut.
Kiwa dang chait da em ki 19,470 ngut kiwa em waroh 3,34,58,801 ngut iwa mut 98.14%, kiwa dang yap 164 ngut iwa mut wa kiwa dang em ya uni u khñiang da hiar ki da 6576 ngut.
Kiwa dang chah ktah da em ki 1,83,118 ngut wa duna dooh hadien 227 sngi iwa man 0.54%.
Ynnin ka sngi da leh 11,81,314 tylli ki Test heiwa kiwa chah ktah da emm ki 1.11% kawa tip leh kam ka Positivity Rate kawa da neh hapoh 3% la 50 sngi.
