Kiwa dang yoh COVID-19 la 12 sngi da neh ki hapoh 100 ngut ha Meghalaya wei hapoh 200 ngut la 28 sngi tangwa hadien 4 sngi da boon biang da kiwa yoh ynne ka sngi.
Kiwa dang yoh ynne ka 20 tarik da em ki 79 ngut wa 58 ngut kiwa dang chait wei ym em kiwa yap.
Na kiwa dang yoh kiwa boon dooh toh ha East Khasi Hills (45), West Khasi Hills (23) wa ha West Jaiñtia Hills (06) katwa ha kiwi ki District da em ki hapoh 3 ngut wei deiwa kheiñlang da em ki 5 ngut kiwa ha Ri-Bhoi (02), East Garo Hills (01), South West Garo Hills (01) wa ha West Garo Hills (01) katwa ha East Jaiñtia, North Garo, South Garo wa ha South West Khasi Hills ym em kiwa dang yoh.
Na kiwa dang chait kiwa boon dooh toh ha East Khasi Hills (35), West Jaiñtia Hills (11) wa ha West Khasi Hills (08).
Ki District wa duna dooh kiwa dang chah ktah toh ha South Garo Hills (02), North Garo Hills (02), South West Garo Hills (03), East Garo Hills (03), South West Khasi Hills (04), East Jaiñtia Hills (04), wa ha West Garo Hills (17).
Ki District wa boon dooh kiwa dang chah ktah toh ha East Khasi Hills (484), West Khasi Hills (159), West Jaiñtia Hills (46) wa ha Ri-Bhoi (37).
Waroh kiwa da chait da em ki 97.35% kiwa em 80,958 ngut, kiwa dang chah ktah da em ki 0.91% kiwa em 761 ngut, kiwa yap 1.73% kiwa em 1439 ngut, deilang dapoi 83,158 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 16,69,699 sien heiwa ynne ka sngi da e 6567 sien wa kynthup ya ki HCW 35 ngut, ki FLW 102 ngut, kiwa 18 snem chaneiñ 5410 ngut wa kiwa 45 snem chaneiñ 1020 ngut. Kiwa dang yoh tika ynne kynthup ki ya ki 935 ngut kiwa yoh yei sien wa nyngkong wa 5632 ngut kiwa yoh yei sien wa ar.
Waroh kiwa da yoh tika chisien da em ki 10,91,694 ngut wa 5,78,005 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
