Ka KSU Thangrain Unit da lai ujor ko cha u SDO ka MeECL Khliehtyrchi neidaw wym yahaap i poi ka bai bordiñ wa i rukom pynemkaam bordiñ ki paidbah wa chong chnong ka Thangrain.
Ka seiñ da ong ko wa em ki yung ki wym em pynemkaam TV kam kiwi tangwa ka bai bordiñ man ko i jooh kam kiwi, em ki yung wa jooh pynemkaam Rice Cooker, Electric Kettle, TV wa kiwi de tangwa katni da dam ki tangwa i rukom poi bordiñ won neh ko kamjooh.
Da em leh ki yung wa pynche bordiñ du heipor miet wei waroh i sngi da tympleh neidaw wa em ki cha lyngkha tangwa ka bai bordiñ won da poi ko lakam wa pynemkaam waroh 24 kynta.
Kamtæ da kyrpaad ya ka MeECL wow chimkhia ya ini yow lait kiwa chong chnong u chah ktah hawa su ya ka bai bordiñ.
Neiliang u SDO da ong u wa daw phah pait lada biang namo ym em biang leh ki wakreh hawa yatoh wa ini.
