U National Vice President ka National People’s Party (NPP) uwa man leh u Symbood Montri Rangbah ka jylla, u Prestone Tynsong da ong u wa toh i hok katkam ka riti synchaar paidbah, toh i hok yong waroh ki Party wa toh i hok yong waroh kiwa chong chnong kiwa da dap 18 snem chaneiñ wow jied wow rai.
Ini i klam yong u Prestone toh hajrong wa kylli ya ka kyrwoh wa phah ka HNLC kawa da maham ya ki paidbah wa ym toh u jied ya ka NPP ha kani ka Election chiteiñ samoi ka wow man ha ka 30 tarik uni u bnai ha ka jylla. Katkam ka kyrwoh wa da phah da ka HNLC ha ka tayaw wa da dep, da phah leh wow khang lut ya ki yung krehkaam yong ka seiñ saiñpyrthai kawa yahkhmat ya ka sorkar ha ka jylla.
Hawa kylli chooh chooh, u National Vice President ka NPP da ong u, kiyi kitæ wa da ong ya ini, neibhah ini toh i hok katkam ka riti synchaar paidbah wa kiwa chong chnong kiwa da palat 18 snem kiwa daw e yei rai ha ka 30 tarik.
Ha iwi i liang u Prestone da ong u leh wa ha kam kini ki por Election ym klam du ya ka HNLC, neibhah wot ka seiñ Congress kawa em ha ka Liang Pyrchah leh da pynbaad ko wa ka NPP ka thok ka chukor ko wei kamtæ ter-ter, tangwa da pynrap u wa hawa khaddooh ki paidbah daw bichaar ki ha ka 30 tarik.
