Ka Archaeological Survey of India (ASI) da lai pynche ko ya 100 tylli ki thaw wa da chna da tei, da pynyieñ da u warim kam chibynta wow lehkmen yei poi 100 klur sien i e tika hapoh ka ri wei na kini ki 100 tylli kiwa da pynche da ki le rong ka lama ka ri, da kynthup lang leh ya kiwa da tipmit da ka UNESCO kam ki World Heritage Site.
Ini man ko leh kam i dak wow pynyoo yei sñiawngooh ya kiwa embynta wow yaleh pyrchah ya ka khlam COVID-19 nadooh ki Doctor, ki Nurse, kiwa e Inject tika, ki pulit wa kiwi de kiwa embynta lang ha ini i kaam.
Kini ki 100 tylli ki thaw kynthup ki leh ya ka Red Fort, Humayun’s Tomb wa Qutb Minar ha Delhi, Agra Fort wa Fatehpur Sikri ha Uttar Pradesh, Konark Temple ha Odisha, ki Mamallapuram Rath Temple ha Tamil Nadu, ka St. Francis of Assisi Church ha Goa, Khajuraho, ki Fort ka Chittor wa Kumbhalgarh ha Rajasthan, iwa dang sah ka Nalanda University ha Bihar wa Dholavira ha Gujarat.
Na ki jylla ka thaaiñ mihsngi, ha Meghalaya da pynche ya ki moopynyieñ wa em ha Nartiang, ka khet thung syiem ka Norbugang ha Sikkim, ka Temple u Vishnu ha Manipur, ka Aizawl ASI Office ha Mizoram, ka Bhubaneswari Temple ha Tripura, ka Rang Ghar ha Assam, ki Bhismar Nagar Ruins ha Arunachal Pradesh waka Dimapur Fort ha Nagaland.
Waroh kini ki 100 tylli kini ki thaw ye phi wow yoh heini.
Humayun’s Tomb 
Sun Temple, Konark 
Red Fort 
Khajuraho
