Jowai : Ynne ka sngi, ki pulit ka Jowai Traffic kamwa da leh ha kini tayaw wa da dep, da e sikai ki won ki ya ki khynnah ka Seiñraij Higher Secondary School hei yatoh wa ki aiñ ki Kari kamjooh i hok yong ki kam ki khynnah wow pynemkaam ya ki Footpath wa ki Zebra Crossing.
Hei step da e sikai ya ki khynnah ha skur hei yatoh wa kini ki aiñ waroh ha pchem kani ka skur.
Da pynman won ki pulit ya ka Footdrill næ i lai kjat na ki luti lai kjat næ ki footpath wa ki thaw wow kaap chiliang sarok næ ki Zebra Crossing.
Ha kani ka Footdrill da chim bynta da ki khynnah ka skur kiwa nadooh Class IX hadooh Class XII heiwa ynne ka sngi leh dang em kiwa chong dai ha ki luti lai kjet ki paidbah kiwa da kyrriah hadooh wa da hap ki jhur ki jhep wa dai ki khamtaam ha i bynta wa chwa u poi cha ka ophis ka JHADC.
Yeini i lai kjat da sdang nadooh na pchem kani ka skur wei da lai tymbud ki luti lai kjat wa em ha Iawmusiang hadooh ha Yaw Chiap hadooh ha Newhill wa em ka skur Marian Hill.
Discussion about this post