Kiwa dang yoh COVID-19 ha India da em ki hapoh 15,000 ngut la 3 sngi heiwa ha kini ki 24 kynta kiwa dang yoh da em ki 13,451 ngut, kiwa dang chait 14,021 ngut wa 585 ngut iwa mut wa kiwa dang em ya uni u khñiang da hiar ki da 1155 ngut.
Ini i pteiñ u boon da kiwa chait da pynhiar ko ya kiwa chah ktah wow em ki 1.62 lak ngut iwa duna dooh ha ki 242 sngi kamjooh kiwa chait leh da poi ki 98.19% iwa heh dooh nadooh u Wisu (Mar) 2020.
Ki jylla wa boon dooh kiwa dang chah ktah toh ha Kerala (75,058), Maharashtra (26,596), Tamil Nadu (12,540), Karnataka (8,539), West Bengal (7,849), Mizoram (7,766), Andhra Pradesh (4,655), Odisha (4,179), Telangana (4,101) wa ha Assam (3,991).
Ki jylla wa duna dooh wa em kiwa dang chah ktah toh ha Lakshadweep (00), Andaman & Nicobar Islands (04), Dadra and Nagar Haveli and Daman and Diu (06), Rajasthan (20), Chandigarh (27), Bihar (40), Ladakh (41), Uttar Pradesh (94), Madhya Pradesh (99), Tripura (122), Haryana (128), Arunachal Pradesh (137), Uttarakhand (156), Gujarat (171), Sikkim (176), Jharkhand (190), Nagaland (225), Punjab (226), Chhattisgarh (249), Delhi (323), Puducherry (453) wa ha Goa (483).
Ynnin ka sngi da leh 13,05,962 tylli ki Test heiwa kiwa chahktah da em ki 1.03% kawa tip leh kam ka Positivity Rate kawa da neh hapoh 2% la 23 sngi.
Heiyatoh wa i e tika hapoh ka ri, da dep wow e la 1,03,53,25,577 sien heiwa ynnin ka sngi da e 55,89,124 sien.
Waroh kiwa da chait da em ki 98.19% kiwa em 3,35,97,339 ngut, kiwa dang chah ktah 0.48% kiwa em 1,62,661 ngut, kiwa yap 1.33% kiwa em 4,55,653 ngut deilang dapoi 3,42,15,653 ngut kiwa da dep yoh ya uni u khñiang hapoh ka ri.
