Ka seiñ Hynñiewtrep Integrated Territorial Organization (HITO) da ong ko wa ym ye u pdiang yei pynbaad u Chief Electoral Officer (CEO) ka jylla ya ki paidbah hajrong i tyngkheiñ kyndon yada COVID-19 ha kani ka Election chiteiñ samoi kawa dang dep kut ki yalap Election ha kani ka 27 tarik.
Ka seiñ da ong ko wa i pynbaad toh u lai ko cha ki Party wa cha ki bor District kiwa da e bor wow pynman yalang paidbah wei heijooh i por da tip che wa ha man ki yalang paidbah ha ki por Election da em biat kiwa lai pait yow pyntikna wym em iyi iyi i tyngkheiñ aiñ wei khamtam kam ha kini ki por wa dang em ka khlam COVID-19 wa toh u pynrkhiñ ya ki rukom lum paidbah deiwa bood ya ki kyndon wa da booh da ka sorkar jylla wa sorkar bei.
Tangwa da lyngngoh won wa kammon kat u CEO dang klam wei pynbaad pathan u cha ki paidbah heithaw wow klam chwa wow sdang ka Election tangwa da klam dang katni manda kut ka Election wei neiliang ka seiñ ym ye ko wow pdiang yei klam yong oo wei da dawa leh wa ki bor District toh u e ki yei pynche cha ki paidbah hajrong ini khnang yow che wei ym toh wow leh chiliang ya kiwon kiwon ya ki yalang paidbah wa ka sorkar da e bor ko deilang wa ki kyndon katwa ki seiñ saiñpyrthai da ye ki wow leh katwa ngait ki wei wow tyngkheiñ aiñ katwa ya ki paidbah du chi bakla da chah daiñ kuna.
Kamtæ da seiñ da dawa ko leh wa ka sorkar toh u pynuiñ ko ya ka poisa wa da daiñ kuna ko yaki paidbah ha ki por Lockdown wa ha ki por wa em i kdoh i khoom namo ka Containment Measure.
Puræ Leh: Ki paidbah wa tyngkheiñ kyndon heipor wa pynman yalap Election: Chief Electoral Officer
