Kiwa dang yoh COVID-19 ha Meghalaya da neh biang ki hapoh 50 ngut la ar sngi, hapoh 100 ngut la 22 sngi wa hapoh 200 ngut la 38 sngi wei kiwa dang chait da boon biang ki ya kiwa dang yoh la ar sngi.
Kiwa dang yoh ynne ka 30 tarik da em ki 46 ngut, kiwa dang chait 67 ngut wei ym em kiwa dang yap la ar sngi.
Na kiwa dang yoh kiwa boon dooh toh ha East Khasi Hills (34) wa ha West Khasi Hills (06) katwa ha kiwi ki District da em ki hapoh 3 ngut kitæ ha Ri-Bhoi (03), East Garo Hills (02) wa ha North Garo Hills (01) ha kiwi won ki District ym em kiwa dang yoh wa kynthup ya ka East Jaiñtia Hills, South Garo Hills, South West Garo Hills, South West Khasi Hills, West Jaiñtia Hills wa ha West Garo Hills.
Na kiwa dang chait kiwa boon dooh toh ha East Khasi Hills (36) wa ha West Khasi Hills (23).
Ki District wa boon dooh kiwa dang chah ktah toh ha East Khasi Hills (289), West Khasi Hills (81), West Jaiñtia Hills (27) wa ha Ri-Bhoi (26).
Ki District wa duna dooh kiwa dang chah ktah toh ha South Garo Hills (01), North Garo Hills (02), South West Garo Hills (04), East Jaiñtia Hills (04), South West Khasi Hills (06), East Garo Hills (10) wa ha West Garo Hills (10).
Waroh kiwa da chait da em ki 97.71% kiwa em 81,695 ngut, kiwa dang chah ktah da em ki 0.55% kiwa em 461 ngut, kiwa yap 1.73% kiwa em 1449 ngut, deilang dapoi 83,605 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla da dep wow e la 17,44,684 sien heiwa ynne ka sngi da e 5100 sien wa kynthup ya ki HCW 15 ngut, ki FLW 54 ngut, kiwa 18 snem chaneiñ 4182 ngut wa kiwa 45 snem chaneiñ 849 ngut.
Waroh kiwa da yoh tika chisien da em ki 11,03,192 ngut wa 6,41,492 ngut kiwa yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
