Ka Jaiñtia Youth Federation (JYF) da rai ko wow pynman da ka Peace Rally ha ka 5 tarik uni u bnai ryngkat ki khynnah Class XI ki wym pu yoh Admission hapoh Ri-loom Jaiñtia hadoh kini ki sngi.
Ya ini i rai da chim hadien wa u Montri ka chnat puræ puthi wa ka sorkar jylla ym em u klam næ jubab ki deiwa che hajrong ini i kaam wot hadien wa ka seiñ da phah ko cha ka sorkar ya i pyrtuid ki khynnah katkam wa paan u Joint Director Education, West Jaiñtia Hills District, Jowai nadooh ka 11-10-2021.
Ka seiñ da beiñ ko ya ka sorkar wa ya u Montri hajrong i wym mano ki u leh iwon iwon hajrong ini i kaam.
Ka seiñ hajrong ini da dawa ko na ka sorkar wow chimkhia hajrong ini wei ymtoh uwi wot leh u khynnah u dooh thaw puræ u neibhah wa toh i kaamram ka sorkar wow pynbiang thaw puræ.
Hadooh ynne ka sngi da em hadooh kamwa 150 ngut ki khynnah ki waym pu yoh thaw puræ ha ka Class XI.
