Jop ka NPP na Mawryngkneng wa Rajabala katwa ka UDP na Mawphlang

U kyrtong ka UDP na Mawphlang u Eugeneson Lyngdoh da jop u ya u kyrtong ka Congress u Kennedy Cornelius Khyriem da 4401 Vote heiwa u Eugeneson da yoh u 13,285 Vote katwa u Kennedy da yoh u 8884 Vote.

Hei wa le da yoh u kyrtong ka NPP u Lamphrang Blah uwa yoh 5103 Vote katwa u NOTA da em 202 ngut wa khnion ha oo.

Ha Mawryngkneng u kyrtong ka NPP u Pyniaid Sing Syiem da jop u ya u kyrtong ka Congress u Highlander Kharmalki da 1816 Vote heiwa u Pyniaid da yoh u 14,177 Vote katwa u Highlander da yoh u 12,361 Vote.

Ki kyrtong samen kitæ u Norbert Marboh da yoh u 1400 Vote, u Erson Marwein 485 Vote, u Arbiangkam Khasrsohmat 214 Vote katwa ha u NOTA da em 238 ngut wa khnion ha oo.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha Rajabala da jop da u kyrtong ka NPP u Md. Abdus Saleh da 1926 Vote ya ka kyrtong ka Congress ka Hashina Yasmin Mondal heiwa u Saleh da yoh u waroh 11,823 Vote katwa ka Mondal da yoh ko 9897 Vote.

Hei wa le da yoh u kyrtong ka UDP u Ashahel D. Shira uwa yoh 7247 Vote, wa soo u kyrtong ka BJP u Kingstone B. Marak uwa yoh 333 Vote wa hei wa san u kyrtong samen u Carla R. Sangma uwa yoh 255 Vote wa 174 Vote ya u NOTA.

Kiwa jop ha waroh le Constituency da tam ki nadooh wa sdang wow niaw Vote hadooh wa kut.

I rukom yoh Vote ha Mawphlang

U Eugeneson Lyngdoh da yoh u 48.35% ka Vote katwa u Kennedy C Khyriem da yoh u 32.34%.

I rukom yoh Vote ha Mawryngkneng

U Pyniaid Sing Syiem da yoh u 49.1% ka Vote katwa u Highlander Kharmalki da yoh u 42.81%.

I rukom yoh Vote ha Rajabala

U Md. Abdus Saleh da yoh u 39.77% ka Vote katwa ka Hashina Yasmin Mondal da yoh ko 33.29%.