U Prime Minister, Narendra Nodi mar ya liwan u na Italy wa Glasgow da pynman u ya ka Review Meeting wa ki District wa duna kiwa yoh tika COVID-19 wei ini kynthup lang ko ya ki District wa em hapoh 50% kiwa yoh yei tika wa chisien wei kamjooh kiwa duna kiwa wan pyndep yei sien wa ar i tika.
U Prime Minister lyngba ka Video Conference da yaklam u wa ki District Magistrate ki District wa em palat 40 tylli kiwa ha Jharkhand, Manipur, Nagaland, Arunachal Pradesh, Maharashtra, Meghalaya wa kiwi de ki jylla wa duna kiwa yoh tika.
Neiliang ki District Magistrate da khana ki yei daw wa duna i ye wow e tika ha ki jar jiar ki District yong ki nadooh ki daw ki khubor hamsaya, wa em ki chnong wa chitom u poi, i joor u slap ha ki bnai wa da dep wei da khana ki leh iyi wa de leh ki yow jop ya waroh kini ki moochynthut heiwa da khana ki leh iyi iwa da leh ki iwa pynchlur ya ki bru wow wan chakhmat.
Ha ini i yachemlang, u Prime Minister da klam bniah u ya ki daw wa artatien ki bru wow chim tei tika deiwa e buit leh kammon u leh yow pyntikna wa i yoh tika u man i 100% ha kini ki District. Da klam u leh yeiwa emkaam wow ya krehlang wa kiwa yahkhmat niam wa kiwa yahkhmat chnong. Da ban joor u yei emkaam wow pynboon ya kiwa yoh tika hapoh ka ri chwa u kut u snem yow lai cha u snem thymme deiwa skem wei deiwa chngaaiñ.
U Modi da ong u leh wa da toh u pynkylla yei e tika heithaw wa booh dei thaw wow lai chim tika, toh u lai noh cha ki yung ki bru kawi pa kawi yow booddien ya ki wym pu em yoh tika wa kitu ki wym pu em wan chim yei sien wa ar i tika
U Prime Minister da pynkynmoo u wa hapoh ka ri da dep wow ye u e hadooh 2.5 klur sien i tika ha chi sngi kamtæ da pynchlur u ya ki heh District wow kreh chitom ki deiwa sñiawthooh yeiwa emkaam ki paidbah wa em hapoh yong ki.
