Ka sorkar India da chim ko ya ka rai wow pynduna ya ka Central Excise Duty yong i Petrol da T. 5 katwa ya i Diesel da T. 10 nadooh mynstep ka 4 tarik. Ini mut i wa i dor Petrol wa Diesel leh daw hiar dor noh i.
I pynhiar ya ka dan Excise Duty i Diesel da ar chah yei Petrol toh neidaw wa pyrkhat ya ki warep kiwa da yarap wow pynim yei khayi pateiñ dei kreh chitom ki hanla em ka Lockdown wei daw yarap bha ko ya kiwa rep tlang.
Ini wa dep da ku bha i dor i phñiang ha ki yaw ki haat ka pyrthai iwa da pynku dor bha yei Petrol wa Diesel ha ki tayaw wa da dep. Ka sorkar India da ong ko wa toh u pyntikna wym duna i phñiang hapoh ka ri wei i Petrol wa Diesel toh u man ki kiwa em kyllooid katkam wa emkaam.
Da ong leh wa kam chibynta wow yarap pynkhai im biang ya ka khayi pateiñ hadien wa ban ka khlam COVID-19 da rai wow pynhiar noh yei dan Petrol wa Diesel.
Chooh chooh da ong wa deiwa leh ya ini daw yarap ko leh wow pynhiar yei dor ki mar ki mata.
Da phah leh ya ki jylla wow pynhiar ki yei dor ka VAT wa kheiñ ha i Petrol wa Diesel yow pynstiñ yei yukit ki paidbah.
