T. 29.90 lak yoh yarap poisa ki warep ka West Jaiñtia Hills, T. 15 lak ki VO wa T. 82 lak ki SHG

U Montri Rangbah ka jylla, u Conrad Syngma ynne ka sngi da ong u wa ka sorkar jylla da saam ko hadooh T. 124  klur ha ki 3.5 snem cha ki Self Help Groups (SHGs) wow pynskem wei wow yarap ya ka yarong poisa yong ki. 

“Ha ki le snem chiteiñ ka sorkar MDA da e ko T. 124 klur cha ki SHG lyngba ka National Rural Livelihood Mission heiwa naka T. 35 klur ha ki 10 snem (chwa u 2018) cha ka T. 124 klur ha kini ki le snem chiteiñ. Ha ki 10 snem da pynlait ya ka ram wa T. 12 klur, tangwa ha ki le snem chiteiñ da pynlait ya ka ram wa hadooh T. 66 klur hapoh ka jylla,” da ong u Conrad ha ka SHG Mela wa pynman ynne ka sngi ha Thadlaskein, West Jaiñtia Hills, heiwa da ong u wa ka sorkar MDA da leh ko ya i kaam deiwa rap phær wow pyntikna ya ki kaam pynroi hapoh ka jylla.

Chooh chooh da ong u wa manda ong wa kani ka sorkar leh ko ya ki kaam wa rap phær, itæ mut i wow biang por, wei wow chakri pura ya ki paidbah wei iyi iwa ka sorkar MDA da leh ko hajrong ini toh wow pynpoi ya ki Scheme cha ki paidbah deiwa khooid.

Da ong u wa emkaam yei yakrehlang chirup heiwa ki SHG ye ki wow wanrah yei kylla hapoh ka jylla wei i chait i khiah, i stat i tip wot ka mynried ki khynnah emkaam ko yei yakrehlang wa chirup khamtam ki seiñ yong ki kynthai. 

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kani ka sngi da pynman leh ya ka SHG Mega Mela, heiwa u Conrad chirup wa u MLA ka Jowai, u Wailadmini Shylla da saam ki ya ka ram wa T. 82 lak cha ki 82 tylli ki SHG, ya kiwa da pynlait da ka Meghalaya Rural Bank (MRB), kawa man ka Bank wa kreh chirup waka sorkar heiyatoh wa i pynkrehkaam ya ka National Rural Livelihood Mission (NRLM) hapoh ka jylla.    

Chooh chooh da ekti leh ya ka Community Investment Fund cha ki 11 tylli ki Village Organisation (VO) yong ki 113 tylli ki SHG wa kynjoh T. 56.5 lak wei da e leh ya ka Vulnerability Reduction Fund kawa T. 15 Lak cha ki 15 tylli ki VO. 

Hapoh ka FOCUS’ (Farmers Collectivisation for Upscaling Marketing Systems), u Conrad da ekti u leh T. 29.90 lak cha ki 46 tylli ki Producer Groups heiwa daw yoh myntoi ki 500 ngut ki warep ka West Jaiñtia Hills District.

Kini ki Producers Group kiwa em 10-20 ngut ki wareh ha kawi pa kawi ka Group da yoh ki T. 50,000 hadooh T. 100,000 chi Group wei kini kynthup ki nadooh kiwa ri sniang, kiwa rep jhoor wa kiwa rep syiñ heiwa ya kani ka poisa da yabhah mar T. 5000 samen ki warep wa em hapoh ka Group ki warep.