Ka seiñ Hynñiewtrep Integrated Territorial Organization (HITO) Central Body hadien wa ka sorkar pydri da chim ko ya i rai wow pynhiar dor yei Petrol wa Diesel ha ka jylla Meghalaya wa ha waroh ka ri da ka sorkar NDA hapoh i yahkhmat ka BJP wei kamjooh hapoh ka jylla yong i wa da yahkhmat daka NPP, da sñiaw toh wow e khublei yeini i chimkhia ka sorkar wow pynhiar ya ka dan.
Ka seiñ da ong ko wa i rai ka sorkar daw yarap ym du ya kiwa em kari kamai wa kiwa em kari samen tangwa daw yarap ko ya kiwa lai wa wan, kiwa khayi kiwa kit ya ki marbaam, wa kiwi kiwi wan na palatsor cha sor neibhah i bai kari daw hiar ko hadien chisien wa da hiar i dor phñiang kari.
Ka seiñ da ong ko leh wa da dep ko wow pynman yei yakhih yow dawa naka sorkar jylla waka sorkar pyrdi yow pynhiar yei dor phñiang kari deiwa chong kyllaiñmynngor haka 26-10-2021 ha madan Malki wei da man i iwa sñiawkmen wa ka sorkar bien ko wow chim ya ka luti wow pynmyntoi ya kiwa boon wa lang.
