Ka seiñ Jaiñtia Tribal Traders Association (JTTA) da ood ko cha ka Synjuk ki Waheh Chnong Jowai hajrong i eh i khoo wa chem kiwa khayi pateiñ heiwa ynne ka sngi da chong ya ka yalang wow phyllu yumut hajrong ini ha Yungwalieh ka Loompyrdi Iongpiah.
Hadien ka yalang, u President ka Synjuk Waheh Chnong Jowai u Alan Niangti da ong u wa da rai ka Synjuk wow thoh cha ki Dorbar Chnong waphær waphær wow kyrpaad ya ki wa ymtoh u e NOC kulmar cha kiwon kiwon ki jaitbru ki wym toh ki tre jylla hajrong ki jait kreh wa ye ki tre jylla u leh.
Neiliang u President ka JTTA u Iatha Najiar da ong u wa heiyatoh wa i yoh NOC ki baar jylla næ Company waphær waphær, neipor cheipor da kyrpaad ki ya ka JHADC wow sangeh u e NOC neibhah wa ktah ko ya i kamai ki tre jylla kiwa khian hei kamai, heiwa u EM da jubab u wa ymye wow kyntait neibhah wa da yoh NOC ki na ki Dorbar Chnong.
Kamtæ hadien wa da sñiawthooh ki yeini da thoh ki cha ka Synjuk ki Waheh Chnong Jowai khnang wow yoh yei yakrehlang neibynta i bha i miat.
