Ka Super League yong ka Saipung Block Sports Association (SBSA) kawa da sdang ha ka 16-10-21 ha Lamyrsiang da pteiñ ki yalehke yong ka heiwa ha ka 6 tarik uni u bnai da pynman hapyrdi ka Jalaphet Bri Sumer SC pyrchah ya ka Tluh SC kawa da man ko kawa yakhaaid wei kawa yoosuk bha.
Ha kani ka yakhun hadooh wa kut i por yalehke ym em wa ye u thap ya ka kool.
Neiliang ka SBSA da pyntip ko wa ha uni u snem da em palat 37 ngut kiwa yalehbol kiwa na baar ka Association wa kamjooh na baar District kiwa da wan wow chibynta iwa da pynman ya ki yalehke kiwa ya thaiñ bha heiwa boon ki yalehke da kut ki khlem em kiwa jop.
Na ki 9 tylli ki liang wa chimbynta hadooh ynne kawa boon Point dooh toh ka Mulait United FC kawa da yoh 14 Point na ki 6 tylli ki yalehke wei hei wa ar da em ka Narwan SC kawa da yoh 11 Point na ki 5 tylli ki yalehke.
Ka Tluh na ki 6 tylli ki yalehke da rem ko chisien wei ha ki 5 tylli ym em wa jop.
Ki yalehke toh kiwa hap wow yaleh mar 8 sien kawi dhab (Team).
Ki Points yong ki dhab ha kani ka lympung man ki kamni hawah:
