Ka Niaw Wasa United Sport & Cultural Club kawa mihkhmat ya ka jylla ha ka Hero Futsal Club Championship 2021 da sdang ko ya ki yalehke yong ka ynnin ka 6 tarik ha Delhi pyrchah ya ka Tiddim Road Athletic Union (TRAU) kawa da angnood kiwa boon ha kani ka lympung.
Ka yalehke da sdang ko deiwa jai jai deiwa waroh arliang da yoh ki leh ki laad ki kabu wa malu mala tangwa ka yalehke da chongchit ko ha ka kylla miet.
Ha ka minit wa soo wa kylla miet, u Milan Singh da yoh u wow thap kool ya ka TRAU tangwa ka Niaw Wasa da yoh ko wow su kylliang lyngba ka Penalty wa thap da u Civility Khongmalai ha ka minit wa 25. U Milan Singh da yoh u wow thap biang ha ka minit wa 30 yow pyntam biang ya ka TRAU tangwa ka Niaw Wasa da su kylliang biang ko da ka kool na u Civility biang ha ka minit wa 35.
Pyn arliang da yaleh ki wow yoh waroh 3 Point tangwa da kut noh ka yaleh da mar 2-2.
Ka Niaw Wasa kattu daw yachem ko waka Telongjem FC.
Ka Niwa Wasa da em ko hapoh ka Group C deilang waka Delhi FC, TRAU waka Telongjem heiwa waroh soo da yalehke ki mar chisien heiwa dang du ka Delhi kawa jop deiwa pynrem ya ka Telongjem da 16-06 ynnin ka sngi hi.
