Ka jhaad ka Indian Coast Guard kawa tip kam ka Arush, heipor wa dang uiñ sonteri ko ya u pood duriaw namo u International Maritime Boundary Line (IMBL) da yoh ko wow pynlait im ya ki 7 ngut kiwa khwe dakha da ka lieñ kawa kop diñ kawa tip kam ka Kalash Raj ynne ka 7 tarik deiwa ya krehlang wa kiwi ki lien wa lai khwe wa em chajan.
Kani ka lien da kop diñ ko hadien liat i phñiang ko nei thaw wa mih tdem. Ya ka chaad ka Coast Guard Arush da khlieh da u Commandant (JG) Ashwini Kumar, kawa da poi wut wut cha ini i thaw yow pyrchang tympleh yei diñ tangwa neidaw wa joor smat poor i diñ ym ye de wow tympleh yei diñ iwa da baam lut ya ka lien tangwa da ye wow pynlait im ya kiwa em ha ka lieñ deiwa e sumaar (First Aid) ya ki.
Hadien ini neidaw wa ka jhaad Coast Guard dang hap wow lai pteiñ yei uiñ sonteri, da ekti ya kini wow kit da kiwi ki jhaad wa lai khwe yow kit cha Okha wei daw poi ki cha Okha ha ka 8 tarik.
