Ka lympung yalehbol ka Elaka Narpuh Sports Association (ENSA) kawa tip kam ka ‘Elaka Narpuh Football Tournament Champions 2021′ da pteiñ biang ya ka ynne ka 8 tarik da ki le tylli ki yalehke kiwa da pynman ha madan bol ka Umkiang.
Ha ka yalehke wa nyngkong, da pynman hapyrdi ka Lumshnong YWSC B waka Tongseng Narpuh FC B heiwa ka Lumshnong da jop ko da 2-1. Ya ki kool ka Lumshnong da thap da u Kynshew Lamare ha ka minit wa 7 wa u Ri-O Dkhar ha ka minit wa 53 katwa ya ka Tongseng Narpuh da thap da u Meriyo Sutnga ha ka minit wa 59.
Ha ka yalehke wa ar, ka Brichyrnot FC A da yachem ko waka Umstain FC heiwa ka Brichyrnot da jop ko da 2-0 da ki kool wa thap u Evening Pohshna ha ka minit wa 22 wa 25.
Ha ka yalehke wa le hapyrdi ka Umkiang B (Wahkhoh) waka Chiehruphi SYWSC B, ka yalehke da kut ko da 1-1 heiwa ya ka Umkiang da thap kool u Henry Khonglah ha ka minit wa 2 katwa ya ka Chiehruphi da thap da u Rishadkmen Rymbai ha ka minit wa 42.
