Hadien wa ka seiñ Jaiñtia Students’ Movement (JSM) da yoh ko yei ujor wa em ki kattu katni ngut ki wakreh kiwa man kam ki tre chnong wa kreh ha ka Dalmia Cement kawa em ha Thangskai, East Jaintia Hills ynne ka sngi ki dkhor ka seiñ da lai ki wow hiar cha kani ka Company wow tuklar ya katai ka kaam.
Hadien wa tuklar wei yaklam ka seiñ wa ki bor pynlai yong katai ka karkhana, kiwa chah beh kreh da yoh biang yei kreh yong ki.
Ka seiñ da ong ko wa i chah beh kreh, chah leh chilliang ki bru yong i da jia ko boonsien ha kini ki jait karkhana, kamtæ ka JSM da maham ko ym du ya kani ka karkhana kamjooh leh ya kiwi ki karkhana wa em hapoh ka thaaiñ East Jaiñtia wa toh u e laad ki ya ki khynroo khyllood wa da nang da stat wow yoh kreh ki wei lada dang jia biang kam ini, ka seiñ daw chim ko da kawi ka laad ka luti ya kam kini ki karkhana.
