Kiwa dang yoh COVID-19 ha Meghalaya da neh ki hapoh 50 ngut la 9 sngi, hapoh 100 ngut la 33 sngi wa hapoh 200 ngut la 49 sngi heiwa kiwa chait da boon ki ya kiwa dang yoh la soo sngi tangwa ynne da em mar kat jooh kiwa yoh wa kiwa chait.
Kiwa dang yoh ynne ka 10 tarik da em ki 28 ngut wa 28 ngut kiwa chait wa 1 wa yap ha East Garo Hills.
Na kiwa dang yoh kiwa boon dooh toh ha East Khasi Hills (18), Ri-Bhoi (03), East Garo Hills (02) wa mar 1 ha South Garo, South West Garo, West Garo, West Jaiñtia wa ha West Khasi Hills.
Na kiwa dang chait kiwa boon dooh toh ha East Khasi Hills kiwa em 17 ngut.
Ki District wa boon dooh kiwa dang chah ktah toh ha East Khasi Hills (239), West Garo Hills (24), West Khasi Hills (21) wa ha Ri-Bhoi (14).
Ki District wa duna dooh kiwa dang chah ktah toh ha North Garo Hills (00), South Garo Hills (01), South West Garo Hills (01), South West Khasi Hills (01), East Jaiñtia Hills (03), East Garo Hills (07) wa ha West Jaiñtia Hills (07).
Waroh kiwa da chait da em ki 97.87% kiwa em 82,163 ngut, kiwa dang chah ktah da em ki 0.38% kiwa em 318 ngut, kiwa yap 1.73% kiwa em 1461 ngut, deilang dapoi 83,942 ngut kiwa da dep yoh ya uni u khñiang hapoh ka jylla.
