U Montri Rangbah ka jylla, u Conrad Kongal Sangma da ong u wa i wym yoh tulop kiwa sikai Samagra Shiksha Abhiyan (SSA) ym toh du hapoh ka jylla Meghalaya, tangwa ha waroh kawi ka ri India. Da ong wa waroh ki Montri Rangbah wa ki Montri puræ puthi yong ki sorkar jylla da booddien ki waka chnat puræ puthi yong ka sorkar India yow pynyoh ya ka tulop kiwa sikai.
I pynsahkut yong ka sorkar ya ka tulop kiwa sikai SSA da pynchrai ko ya kiwa sikai wei kamjooh ya kiwa boon walang, heiwa ynnin ka sngi ha ka yakhih wa da pynman ha Madan Student, Jaiaw kiwa sikai SSA kiwa em palat 12,000 ngut ha ka jylla da e por ki ya ka sorkar wow su noh ya ka tulop hapoh chi tayaw wei da dawa ki leh ya u Montri wa pait ya ka puræ puthi ha ka jylla, u Lahkmen Rymbui wow hiar chuki noh.
Da ong u wa ka Samagra Shiksha Abhiyan toh ka Scheme yong ka sorkar pyrdi wei 90% ka tulop toh kawa su da ka sorkar India, wei man ko iwa eh ya ka sorkar jylla wow su ya ka tulop neibhah ka emkaam ko kamwa T. 150 klur wow su lut ya ka tulop wa sah kiwa sikai SSA.
U Conrad da ong u wa ka sorkar ka sñiawkhia ko yei eh wa yachem da kiwa sikai SSA wei ka sorkar Meghalaya deilang wa kiwi ki jylla da kyntu ki ya ka sorkar India wow pyndooh noh yeini i eh.
