Ka yung krehkaam u Deputy Commissioner (Supply) West Jaiñtia Hills da pyntip paidbah cha waroh kiwa dai rachon namo ki Fair Price Shop Dealer hapoh West Jaiñtia Hills District, wa daw kut noh ko ha ka 31-12-2021. Kamtæ da khut wow yaleh thymme (Application) ya ki Fair Price Shop neibynta u snem 2022. Ya i phñiang charak (Superior Kerosene Oil Dealer) u man ko katkam ka Notification No.SUP.100/89/Pt.II/62,Dt 17th March 2020, kawa da e License ym duna ya ka 5 (san) snem.
Ya ki Application Form toh u wanrah deilang wa kini kiwa emkaam lang- Court Fee Stamp Rs. 25, Aadhaar Number, Epic, Xerox Copy ka ST/SC/OBC Certificate, Bank Account, Mobile Number, 2 (ar) tylli ki dur Passport wa dang dep chon, i rai yong ka dorbar shnong. Ka Vigilance Committee kawa da thung neibynta u snem 2022.
Katkam i kyndon (Guidelines) neibynta ki Fair Price Shop Dealer wa emkaam ki u pynbiang toh:
U/Ka toh u man ki kiwa chong chnong ka Meghalaya wa ki tre chnong ha katai ka chnong ka thaw.
Ya ki Application toh u man ki kiwa da mynjur wei da tyrwa yei pyrtuid da u waheh chnong ha ka Form wa da booh da sooh lang.
U/Ka toh u man ki kiwa tip u thoh u puræ.
Ki Fair Price Shop Dealer ym toh u man ki kam ki Waheh Chnong, Secretary Chnong lane u dkhot ka Executive Committee ka chnong.
Lada chah jied, waroh ki Dealer toh u booh ki ya ka pyrla kawa da dep pynsakhiat da ka yung krehkaam yong ka Metrology Department.
I thaw toh u man i iwa biang neibynta ka dukan rachon. I yoh i kot lane i yatoh waka imlang sahlang toh u man kawa biang.
Toh u yoh ya ka Food Safety License na ka yung krehkaam wa toh u pait yeini.
Ya ki Application Form ye wow yoh naka yung krehkaam u DC (Supply) ha ki kynta wa man kreh wei wow wan booh ha lane chwa ka 25-11-21 khlem pep.
Waroh kitai ki kot wa da kdaw haneiñ toh u emlang ki. Neitæ i daw kawon kawon ka Application ka wym em sooh lang ya kitai ki kot daw kyntait noh. Ka yung krehkaam ym em ko yei kitkhlieh neibynta kitu ki Application kiwa da wan booh hadien katai ka tarik wa da kdaw haneiñ.
