Kiwa dang yoh COVID-19 ha Meghalaya da pteiñ ki wow duna wei da neh ki hapoh 20 ngut la ar sngi, hapoh 50 ngut la 13 sngi, hapoh 100 ngut la 37 sngi wa hapoh 200 ngut la 53 sngi heiwa kiwa dang chait da boon ki ya kiwa dang yoh la ar sngi.
Kiwa dang yoh ynne ka 14 tarik da em ki 11 ngut (ynnin 7 ngut), kiwa dang chait 25 ngut wei ym em kiwa dang yap la le sngi.
Na kiwa dang yoh kiwa boon dooh toh ha East Khasi Hills (08), West Garo Hills (02) wa ha East Garo Hills (01) katwa ha kiwi ki District ym em kiwa dang yoh.
Na kiwa dang chait kiwa boon dooh toh ha East Khasi Hills (22), West Garoh Hills (02) wa ha West Khasi Hills (01).
Ki District wa boon dooh kiwa dang chah ktah toh ha East Khasi Hills (189), West Garo Hills (24), West Khasi Hills (17) wa ha Ri-Bhoi (15).
Ki District wa duna dooh kiwa dang chah ktah toh ha North Garo Hills (00), South West Khasi Hills (00), South Garo Hills (01), South West Garo Hills (01), East Jaiñtia Hills (04), West Jaiñtia Hills (04) wa ha East Garo Hills (08).
Waroh kiwa da chait da em ki 97.94% kiwa em 82,299 ngut, kiwa dang chah ktah da em ki 0.31% kiwa em 263 ngut, kiwa yap 1.74% kiwa em 1462 ngut, deilang dapoi 84,024 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla da dep wow e la 18,52,432 sien heiwa ynne ka sngi da e 93 sien wa kynthup ya ki HCW (00), ki FLW (05), kiwa 18 snem chaneiñ (81) wa kiwa 45 snem chaneiñ (07).
Waroh kiwa da yoh tika chisien da em ki 11,27,646 ngut wa 7,24,786 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
