I e tika hapoh ka jylla Meghalaya da tam i 19 lak sien deiwa e 8508 sien ynne ka sngi wa kynthup ya ki HCW 25 ngut, ki FLW 127 ngut, kiwa 18 snem chaneiñ 6930 ngut wa kiwa 45 snem chaneiñ 1426 ngut. Kiwa dang yoh tika ynne kynthup ki leh ya 2365 ngut kiwa dang yoh yei sien wa nyngkong wa 6143 ngut kiwa da yoh yei sien wa ar.
I poi cha ka 19 lak sien naka 18 lak da chimpor 11 sngi, naka 17 lak cha 18 lak da chimpor 13 sngi, na 16 lak cha ka 17 lak da chimpor 16 sngi, naka 15 lak cha 16 lak da chimpor 15 sngi wa na 14 lak cha ka 15 lak da chimpor 12 sngi.
I poi cha ka 19 lak na ka 18 lak mut wa da e tika 9,090 sien ha chi sngi deiwa kheiñ yonglang iwa duna bha nei thong ka sorkar wow e 20,000 sien chi sngi yow poi cha ka thong wow yoh tika waroh chwa wow kut u snem.
Ini da mut i wa waroh kiwa da yoh tika chisien da em ki 56.4% katwa kiwa da yoh la arsien da em ki 37.6%.
Kiwa boon dooh wei kiwa da tam lak kiwa da yoh tika chisien toh ha East Khasi Hills kiwa em 3,24,078 ngut wa ha West Garo Hills 2,16,497 ngut wei kini ki ar District leh man ki du ki kiwa da em palat 1 lak ngut kiwa da yoh tika la arsien- East Khasi Hills 2,49,298 ngut katwa ha West Garo Hills 1,43,505 ngut.
Deiwa kheiñ da ka Percentage kawa heh dooh toh ha South West Garo Hills (85.4%) wei kiwa duna dooh toh ha West Khasi Hills (40.7%) kiwa da yoh tika chisien.
Da em leh 3 tylli ki District wa em hapoh 50% kitæ toh ka West Khasi Hills (40.7%), ka South Garo Hills (44.1%) waka West Jaiñtia Hills (47.2%).
Kiwa heh dooh ka Percentage toh ha South West Garo Hills (85.4%), East Jaiñtia Hills (76.7%) wa ha West Garo Hills (63.4%).
Waroh kiwa da yoh tika chisien da em ki 11,41,758 ngut wa 7,62,737 ngut kiwa da yoh la arsien iwa mut wa waroh da dep wow e tika la 19,04,495 sien.
I rukom e tika hapoh ki District ka jylla man ki kamni ha wah:
