Kiwa dang yoh COVID-19 ha Meghalaya da neh ki hapoh 50 ngut la 19 sngi, hapoh 100 ngut la 43 sngi wa hapoh 200 ngut la 59 sngi tangwa kiwa dang yoh da boon ki ya kiwa dang chait la san sngi neidaw wa pteiñ u boon kiwa dang yoh ha East Khasi Hills.
Kiwa dang yoh ynne ka 20 tarik da em ki 32 ngut, kiwa dang chait 28 ngut wei ym em kiwa dang yap la ar sngi.
Na kiwa dang yoh, kiwa boon toh ha East Khasi Hills (24), West Khasi Hills (04), Ri-Bhoi (02), East Garo Hills (01) wa ha East Jaiñtia Hills (01) katwa ha kiwi ki 6 District ym em kiwa dang yoh.
Na kiwa dang chait kiwa boon dooh toh ha East Khasi Hills (18), West Garo Hills (03) wa ha West Khasi Hills (02).
Ki District wa boon dooh kiwa dang chah ktah toh ha East Khasi Hills (210), East Garo Hills (19), West Garo Hills (17), West Khasi Hills (15), Ri-Bhoi (14) wa ha West Jaiñtia Hills (10).
Ki District wa duna dooh kiwa dang chah ktah toh ha North Garo Hills (00), South West Khasi Hills (00), South Garo Hills (00), South West Garo Hills (00) wa ha East Jaiñtia Hills (05).
Waroh kiwa da chait da em ki 97.91% kiwa em 82,463 ngut, kiwa dang chah ktah da em ki 0.34% kiwa em 290 ngut, kiwa yap 1.74% kiwa em 1467 ngut, deilang dapoi 84,220 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 19,12,740 sien heiwa ynne ka sngi da e 5776 sien wa kynthup ya ki HCW 24 ngut, ki FLW 46 ngut, kiwa 18 snem chaneiñ 4768 ngut wa kiwa 45 snem chaneiñ 938 ngut.
Waroh kiwa da yoh tika chisien da em ki 11,44,562 ngut wa 7,68,178 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
