U-19 Cooch Behar Trophy: Tam ka Meghalaya ya ka Manipur hadien ka 1st Innings dei lehbha u Mrinal wa u Santhosh

Kiwa yada nadien ya ka Meghalaya, u Mrinal Das wa u PM Santhosh da pynye ki ya ka Meghalaya wow pyntam ha ka First Innings ya ka Manipur ynne i step ka sngi wa ar ka U-19 Cooch Behar Trophy ha Bhubaneshwar.

Deiwa pteiñ yeiwa da ieh da 86/6 ynnin ka sngi deiwa bood ya ka Manipur kawa da kamai 197 ha ka First Innings, ka Meghalaya da dooh chwa ko ya u Bharat Gurung uwa kamai 7 Run, iwa da ieh ya ka Meghalaya da 92/7.

Tangwa u Das, uwa da pteiñ ynne ka sngi deiwa yoh chwa 49 Not Out, da kamai lang u 93 Run wa u Santhosh uwa Bat hei khynde yow kynjoh ya i thong. U Das kat u dooh wot u ya ka 100 Run deiwa yoh 96 Run wa kynthup ya 16 tylli kiwa da poi cha u pood.

U Santhosh da kamai lang u 46 Run neibynta ka Wicket wa khaddooh wa u Manish Sharma (15*), iwa da yarap ya ka Meghalaya wow yoh 230 (All Out), iwa da pyntam da 33 Run ya ka Manipur. U Santhosh toh uwa khaddooh wow haap deiwa yoh 71 (13×4). Ya oo deilang wa u Das da chah pynhaap ki ha u Kadamjit, uwa lehbha dooh na kiwa kawang bol ka Manipur uwa da yoh 7/45.

Related posts

Jop ka Rising Star ya ka 3rd T10 Cricket Tournament ka Lion Sports and Youth Affairs

February 14, 2026

Pdengshakap Football Tournament: Psiah Quarter Final sa ka Rymbai Shkenshynriah wa ka Kemidon

February 14, 2026

Ka Manipur da ye ko wow tam ya ka Meghalaya deiwa kamai lang kiwa Bat nyngkong yong ka 50 Run. U Sharma (3/73), u Raghav Magotra (2/48) wa Rohit Yadav (1/22) toh kiwa da yoh Wicket ya ka Meghalaya, tangwa sa chisien ka Meghalaya da tynjooh ya ka da u Jotin Pheiroijam, uwa da yoh biang ya ka spah Run wa ar ha kani ka yalehke. Ka Manipur da yoh ko 203/6 hadooh wa kut ka yalehke ynne ka sngi wa ar deiwa tam 170 Run, heiwa u Pheiroijam da yoh 101 Not Out; hadien wa yoh u 131 ha ka Innings wa nyngkong ynnin ka sngi.

Kamtæ ka Meghalaya da emkaam ko wow pynhaap smat oo mynstep yow emlaad wow pynduna yei kamai ka Manipur.