Da: U O.R. Shallam
Sñiawkmen O u yoo wa da pynchna ya ki sarok, ki luti ki syngkieñ ha Jowai, tangwa hap wow kylli ya kiwa pait ya ka PWD ha Jowai wa ki bor wa toh u pait wa ini i pynchna toh deiwa leh jhan leh khalær.
Ki Contractor wa pyndep yeini i pynchna da jooh kreh namo ym jooh em, neibhah katwa nga da yoo da chem wa ini toh i pynchna tangdep.
Phi ki waheh chnong, phi kiwa pynlai chnong, lai pait hi phi yeini i kreh wym em yurim. Pait bha ya ki mar wa pynemkaam ki wei kammon kreh lada katkam ki kyndon.
Nga chem O wa i kreh toh iwa tangdep kamwa ong ki Jowai te biahja donhi. Kiwa toh u pait nadooh u SA, JEE, SDO wa EE sñiawbha wow leh ya iwa emkaam neibhah la ar snem katni da ieh ya ki sarok khlem pynchna.
Kawa kammon kani ka jait pynchna, phi kiwa toh u pait ya ini i kaam ham yoobeiñ ya ka chnong Jowai wa kiwa chong chnong.
