U Lat ka Meghalaya, u Satya Pal Malik ynne ka sngi da pynkup burom u ya 29 ngut ki NCC, 3 ngut ki bru paidbah wa 3 ngut ki sahep kiwa da e snam sñiawbha kam chibynta ka NCC Day 2021 ha ka yalang wa pynman ha Durbar Hall, Raj Bhavan, Shillong.
Hawa e yei klam, neiliang u Lat da yaroh u ya ka NCC kawa da e laad ya ki khynroo wa khyllood ka ri wow chem yei sap yong ki hei wow tei ya ka ri.
Da ong u wa i ktien im sngi ka NCC wa ong “Unity and Discipline” toh i wow e mynsien ya ki khynroo wei wow pynchlur ya kiwi yow man kiwa ryntih ha iwa leh ki man-ka-sngi.
U Malik da e khublei u leh ya ki NCC Cadet yei chakri yong ki wei yei wan yong ki chakhmat wow e snam sñiawbha ha kylleiñ ka ri.
Da kyntu u leh ya ki Cadet wow chim kabu ya ki laad ki luti wa da wai cha ki da ka NCC yow pynbha ya idæ.
