U Heimonlang Nongpluh (IPS) uwa jooh man kam u Addl. DGP ka Meghalaya Police, ynne ka sngi da baam-smai u wow man kam u State Chief Information Commissioner ka jylla ha Durbar Hall ka Raj Bhavan heiwa ya ki kyntien smai da yah da u lat ka jylla, u Satya Pal Malik.
U Heimonlang Nongpluh toh u khon yong u Kmenlang Tariang wa ka Tulmeries Nongpluh na Chutwakhu, Jowai heiwa da pyndep u ya ka Matric (SSLC) na St. Anthony’s Pynursla ha u snem 1978 wei ya ka PU (HSSLC) Sc na St. Anthony’s College ha u 1980.
Hadien ka PU Sc da lau puræ u ya ka B.E Chemical Engineering na REC (Katni NIT) Durgapur ha u 1984 wei da psiah u kam u pulit IPS ha ka 1994 Batch yong ka Assam Meghalaya Cadre heiwa da chah hikai u ha ka Foundation Course ha Mussoorie wa ka Police Training ha Hyderabad.
Kam u sahep IPS, u Nongpluh da jooh man u kam u SP (City) Shillong, SP Nongstoin, SP Jowai, AIG (A), SP CBI, DIG CBI, IGP Special Branch, IGP Training, Addl DGP Law and Order wei chwa wow chongngiah da man u kam u Addl. DG Special Branch and CID.
U Nongpluh toh uwa daw chongngiah u na i kaam pulit ha u snem 2023 tangwa ka sorkar jylla hadien wa yoobiang ya oo kam u sahep da jied ko ya oo wow man noh kam u State Chief Information Commissioner namo u sahep wa khlieh dooh ha ka jylla hapoh ka aiñ RTI Act 2005.
Kam ka dak wow e burom wa khaddooh ya uni u sahep wa ya ki kaam wa da leh u, neiliang ka Police Department da pynman ko ya ka Farewell Parade ha Police Academy kawa em ha Umran, Ri-Bhoi District ha ka 01 Kmaichonglad 2021.
