U Montri Rangbah ka jylla, u Conrad Kongal Sangma da ong u wa da jooh klam u man-i-por yei eh wa yachem da kiwa chong chnong kiwa khian paaid hapoh ka ri India. Ya ini u Conrad da ong u wa hawa kylli hajrong i pynbaad yong ka All India Trinamool Congress (AITC-Meghalaya) wa ka sorkar Meghalaya ym jooh klam ko iyi iyi hajrong i chah lehbeiñ kiwi ki jaitbru ha kiwi ki bynta yong ka ri India.
U Conrad da ong u wa kam u Montri Rangbah da klam u na ki por cha ki por yei eh wa ki phang wa emkaam, deiwa pynrap wa ye u man wa em i jia heini heitai kiwa man malu mala kiwa ym em klam u tangwa kiwa emkaam kam u Montri Rangbah da klam bait cha ka sorkar India.
Da ong wa i pynbaad toh ka wym em yurim kajiak leh, wei khamtam hawa yatoh wa i eh yong ki khian paaid, ki jaitbru ri-loom wa kiwa chong chnong ka thaaiñ mihsngi da klam ma klam u.
