Ki khynnah ka Kiang Nangbah Government College Students Union (KNGCSU) ynnin ka sngi da e dorkhat ki ha u Montri ka chnat puræ puthi ka jylla heiyatoh wa ki kaam wa da dawa bha hapoh kani ka thaw puræ.
Heiyatoh wa ka Outdoor Stadium kani ka College da ong ka KNGCSU wa ka College da chah jied ko neibynta ka Khelo India tangwa kani ka madan da man ko kawa sih heiwa ym em u bait i man madan (Level) ko, ki dooid leh ym em ki, wot ki thaw paitke leh wym biang kamjooh leh ka thaw phet namo ka Running Track kamtæ dawa na ka sorkar wow chna pynmiat noh ya ka deiwa booh ya u Artificial Turf, ki thaw paitke wei wow kær noh ya ka talawiar.
Ka KNGCSU da wanrah ko leh yei emkaam ka Indoor Stadium heiwa i chram wa i madan da sih da khoh i, ym em siang Carpet, ki chrot wow kdoh jaar leh ym em wei ka bordiñ leh man ko kawa duna.
Chooh chooh ha ka dorkhat da kdaw leh yei duna ha ki kamra neibhah katkam wa man katni em du ar tylli ki kamra thymme wa da chna na ka RUSA wei kini ymye ki wow pdiang lut ya ki khynnah, wow pynboon chooh ya ki Honours Paper ha ka Commerce wei wow sdang noh sa ya ka B.Ed, BCSA, BBA wa kiwi kiwi.
Da kyntu leh wow thied ya ki kot ha ka Library da kiwa thymme wei kamjooh leh ya ki Computer, u pynbiang Internet wa kiwi kiwi.
Heijooh i por da pynsñiaw yei emkaam ya ka yung thymme neibynta ka Library, Computer Lab, Hi-Tech Seminar Room cum Conference Hall kawa ye u pdiang hadooh 200 ngut ki bru.
